တရုတ်ပြည်သူ့သမ္မတနိုင်ငံ နိုင်ငံ တော်ကောင်စီဝင်နှင့် နိုင်ငံတော် ကောင်စီ အထွေထွေအတွင်းရေးမှူး မစ္စတာယန်ကျင်း ဦးဆောင်သော ကိုယ်စားလှယ်အ ဖွဲ့သည် ယနေ့နံနက် ၉ နာရီက နေပြည်တော် ဇမ္ဗူသီရိ မြို့နယ် ဓနသိဒ္ဓိရပ် ကွက် အမှတ်(၇)အခြေခံပညာအထက်တန်းကျောင်း သို့ ရောက်ရှိရာ ပညာရေး ဝန်ကြီး ဌာနမှ တာဝန်ရှိသူများ၊ ကျောင်းအုပ် ဆရာကြီးနှင့် ဆရာ ဆရာမများ၊ ကျောင်းသား ကျောင်းသူများက ကြိုဆိုကြသည်။
ထို့နောက် ဧည့်သည်တော် အဖွဲ့သည် ကျောင်းသား ကျောင်းသူ များအား ရင်းရင်းနှီးနှီးနှုတ်ဆက်ပြီး သင်ထောက်ကူပစ္စည်းများဖြစ်သည့် ကွန်ပျူတာ ၂၃ လုံး၊ လေဆာပရင် တာ ၂၃ လုံး၊ စကင်နာခုနစ်လုံး၊ ပရိုဂျက်တာခြောက်လုံး၊ အဲပီတိုင်ရာ စကုတ် ၁ဝ စုံ၊ ပေါ်တေဘယ်ပလေရာ ၁၅ စုံ၊ ဒီဗွီဒီပလေရာသုံး လုံး၊ ဝှိုက် ဘုတ် ၁၅ ချပ် စသည့် ကျောင်းအသုံး အဆောင်ပစ္စည်းများနှင့် အားကစား ပစ္စည်းများကို ပေးအပ်လှူဒါန်းရာ တာဝန်ရှိသူများက လက်ခံကြ သည်။
ထိုမှတစ်ဆင့် ဧည့်သည်တော် အဖွဲ့သည် သတ္တုတွင်းဝန်ကြီးဌာန မြန်မာ့ကျောက် မျက် ရတနာလုပ်ငန်း ကျောက်မျက်ပြတိုက်သို့ ရောက်ရှိပြီး ပြတိုက်အတွင်း ခင်းကျင်းပြသထား သော ကျောက်မျက်ရတနာများကို ကြည့်ရှုလေ့လာကြရာ တာဝန်ရှိသူ များက ရှင်းလင်းပြသသည်။
MOI
No comments:
Post a Comment